Honda жаңарған Odyssey-ді таныстырды

Компания Солтүстік Америкада вэннің рестайлинг нұсқасын көрсетті. Екінші рет жаңарған модель спорттық кейіпке еніп, жақсарған медиажүйемен жабдықталған. Honda қарапайым комплектацияны алып тастап, жабдықталуын өзгертті, осылайша Odyssey-дің бастапқы бағасы айтарлықтай өсті.

1 / 7

• 
• 
• 
• 
• 
• 
• 

1 / 7

Автомобиль радиатор торымен және бамперлерімен ерекшеленеді. Алдыңғы бамперде тұманға қарсы шам, артқы бамперде NSX-тен алынған тік жарыққа шағылысатын элемент пайда болды. Дөңгелек дискілерінің және шанақ түстерінің жинағы кеңейді.

Модельдің жаңа базалық комплектациясына аспаптар панелінің 7 дюймдік дисплейі кірді, ал ортаңғы экран 8-ден 9 дюймге дейін ұлғайды. Медиажүйе қуатты процессормен және Apple CarPlay мен Android Auto-ға сымсыз қосылу мүмкіндігімен жабдықталған, USB порттың саны артты. Қымбат комплектацияда артқы жолаушыларға арналған 12.8 дюймдік (рестайлингке дейінгі нұсқада 10.2 дюйм болған) қосымша дисплей орнатылады, ал алдыңғы орындықтардың арасындағы консольде HDMI порты пайда болды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Техникалық жағынан өзгеріс жоқ. Америкалық Honda Odyssey 280 ат күшін және 355 Нм момент беретін 6 цилиндрлі қозғалтқышпен және 10 сатылы автоматпен жүреді. Жаңа модельдің саудасы басталды, базалық жинақтың бағасы 43 315 доллар (20.5 млн теңге), бұл бұрынғы бастапқы бағадан шамамен 4 мыңға жоғары. Жапонияда Honda бастапқыда Қытай үшін әзірленген және сол жерде шығатын минивеннің басқа модификациясын сатады. Ол 212 ат күші бар екі литрлік төрттік негізінде жасалған гибрид күштік құрылыммен жабдықталған.