Honda биыл сәуірдің аяғында өтетін Бейжің автосалонында Қытай нарығына арналған электромобильдер топтамасын таныстырады. Ye сериясы деп аталатын топтама қазірше екі модельді қамтиды: Ye P7 және Ye S7.
Электрокарлар жаңа платформаға негізделеді. Бұл платформада алдыңғы немесе артқы осьте орналасқан бір электромоторлы, сондай-ақ екі моторы бар толық жетекті машина жасауға болады.
![Honda Қытайда бірнеше электромобиль шығарады](https://kolesa-photos.kcdn.online/kolesa-read/6a0ff429040742873f4fe501c704df09043e7127-full.jpg)
Ye P7 мен Ye S7 туралы әлі ақпарат жоқ. Honda толық мәліметті автосалонда жариялайды. Фотосуреттен екі машина профилі бойынша бірдей, бірақ өзгеше жарық техникасы бар алдыңғы бөлігімен ерекшеленетінін байқауға болады.
![Honda Қытайда бірнеше электромобиль шығарады](https://kolesa-photos.kcdn.online/kolesa-read/a3f6353ac9fefdb1f29f5b78bf86a6e97d495e19-full.jpg)
Суреттегі үшінші электромобиль — Ye GT концептісі. Honda болашақта шоукардың сериялы нұсқасы шығатынын, ол марканың алдыңғы жолаушыға арналған жеке экраны бар алғашқы моделі болатынын айтты. Қазір мұндай опция Қытайда ғана емес, Еуропада да танымал болып келеді.
![Honda Қытайда бірнеше электромобиль шығарады](https://kolesa-photos.kcdn.online/kolesa-read/84f39787483d0f33e4762027fd801b5c014fc0bf-full.jpg)
Ye P7 мен Ye S7 биыл жыл аяғына дейін саудаға түседі, ал сериялы Ye GT ең ерте болғанда 2025 жылдың аяғында шығады. 2027 жылға дейін Қытайдағы Ye топтамасында алты модель болады.
Комментариев: 0