Haval Dargo-ның интерьері өзгереді

Haval бренді Қытайда Big Dog атауымен танымал Dargo кроссоверін рестайлингтен өткізеді. Осылай деп жазған «Китайские автомобили» басылымы жаңарған көліктің бірнеше суретін жариялады. Оны сырттай алдыңғы буын өкілінен ажырату қиын, бірақ салоны басқаша.

Тыңшылар түсірген фотодан H5 және H9 стилінде жасалған тікбұрышты радиатор торы байқалады. Бесінші есіктегі бренд логотипінің орнын GWM жазуы басқан. Марка машинаға жаңа дөңгелек дискісін орнатуы да мүмкін.

Оғаш көрінетін алдыңғы панель орнына қарапайым тачскрині бар үйреншікті панель жайғасады, бірақ машина тік орналасқан ауа өткізгіштер мен жолаушы алдындағы ірі тұтқасын сақтап қалады. Мамандар жаңарған Tank 300-дікі секілді екі шабақты рөл орнатады, ал трансмиссия селекторы рөл колонкасына ауысады. Одан бөлек бренд жаңа әрлеу материалдары мен түс комбинациясын ұсынады.

Кроссовердің мотор гаммасында еш өзгеріс жоқ. Қытайда базалық Dargo 184 ат күші мен 275 Нм момент беретін 1.5 литрлік мотормен жабдықталады. Агрегат 7 сатылы роботпен жұмыс істейді. Толық жетекті автомобиль 238 ат күшіне ие (385 Нм) және 9 сатылы роботпен бірге қызмет ететін 2 литрлік қозғалтқышпен жүреді.

Біздің елде сатылатын Haval Dargo X-тің толық жетекті және алдыңғы жетекті түрлері бар, бірақ ол тек 7 сатылы робот қораппен жұптасқан 2 литрлік 4 цилиндрлі агрегат (192 а.к., 320 Нм) көмегімен қозғалады. Ең арзанының бағасы – 14.5 млн теңге.