GT4 кросс-хетч — Cadillac-тың ең жаңа моделі

GT4 кросс-хетч — Cadillac-тың ең жаңа моделі

Компания бұл өнімін XT4-тің купе тәрізді баламасы деп санайды.

Қытайда жаңа Cadillac моделі жарық көрді. GT4 ресми түрде кросс-купе саналғанымен, оны үлкен хетчбэк деген орынды сияқты. Cadillac автомобильге тапсырыс қабылдап жатыр, бағасы 219 700 юаньнан (31 мың доллар немесе 14 млн теңге) басталады.

Cadillac GT4 дизайн ерекшелігіне байланысты бір платформаны бөлісетін XT4 кроссоверінен сәл үлкен. Ұзындығы — 4633 мм, дөңгелек базасы — 2.8 метр, жүксалғыш көлемі — 289–1190 литр, клиренсі — 131 мм.

GT4 сырт пішіні Қытайда сәнге айналған жоғарғысы жіңішке екі деңгейлі оптика және түпнұсқа артқы тіреудің арқасында жаңарды. Ал интерьердегі басты жаңалық — 33 дюймдік үлкен имек моноэкран. Cadillac бұған дейін мұндай шешімді сериялы модельдерге (негізінен электрокарларға) қолданған. Салонда физикалық батырма азайды, олар есік панелі мен климат-бақылау блогында ғана орналасқан.

Өзгеше ортаңғы тоннель минималистік стильде жасалыпты: онда сенсорлы түйме мен үлкен медиажүйе шайбасы ғана бар. Беріліс қорабы селекторы CT6 седанындағыдай рөлге көшті.

Cadillac GT4 Қытайда 1.5 және 2.0 литрлік екі турбомотормен жүреді. Қуаты — сәйкесінше 211 ат күші (270 Нм) және 237 ат күші (350 Нм). Екі мотор да 9 сатылы автоматпен жұмыс істейді, бірақ кіші GT4 тек алдыңғы жетекті болса, үздік нұсқасы толық жетекті.

Кросс-хетчті Cadillac пен SAIC концерні бірге шығарады. Машина Қытайдан өзге елде сатыла ма, жоқ па, әлі белгісіз.

Комментариев: 0

Чтобы оставить комментарий, вам необходимо зарегистрироваться или авторизоваться.