Great Wall Motors (GWM) жаңа деңгейге көтеріліп, көліктері Солтүстік Америка жолдарына шығатын болды. Мексиканың Қытайдағы елшісі Хэбэй провинциясындағы Great Wall технологиялық орталығы мен өндіріс алаңына барғаннан кейін Қытай көліктері Мексикада сатылады деген ресми ақпар тарады.
Automotive News компания басшылары Мексиканы маңызды нарықтардың бірі санайды, сол үшін асығыс дилерлік желі құрып жатыр деп хабарлады. Great Wall жаңа елге кіруге бекер құштар болып отырған жоқ, оның көздегені — АҚШ. Осы мақсатын жүзеге асыру үшін компания пикаптарын толықтай Мексикада шығаруға дайын.
1984 жылы негізі қаланған компания өз отанында алпауыт пикап өндіруші атағына ие және Haval, Tank маркаларымен жол талғамайтын көлік, кроссовер сегментінде де алдыңғы қатарда тұр.
Great Wall Қытайдан бөлек Ресей мен Таиландта машина шығарады, жыл аяғында Бразилиядағы зауытында пикап құрастыра бастайды. Компанияның дилерлік желісі Аустралия, Оңтүстік Африка, Еуропа мен Азиядағы бірнеше елде бар.
Комментариев: 0