Great Wall-ға ауыспас бұрын Фил Сайммонс Land Rover-де экстерьер бойынша директор қызметін атқарған. Ол Range Rover Velar, Discovery және Discovery Sport сынды модельдердің сырт келбетін әрлеуде үлкен еңбек сіңірді. 2018 жылы танымал дизайнер қытайлықтардың ұсынысын қабылдаған.
Ашық жасыл түсті төрт есікті көлік сырттай таныс көрінеді. Білгіштер оны 1960-1970 жылдардағы классикалық NSU Prinz-ке ұқсатса, артқы бөлігі тіпті «Волга» ГАЗ-3110-ды еске салады дейді.
Заманға сай техникалық бөлігінің ретро стильмен үйлесімі интерьерден де байқалады. Көліктің іші асқан шеберлікпен әсемделген, бірақ қытай халқы ұнататын жылтыр элементтер тым көп.
Сайммонс қызық әрі сериялы өндірістен алыс хардтоп жасады. Яғни, бұл көлік тек талғамы бөлек жандардың ғана көңілінен шығады.
Комментариев: 0