2018 жылдың мамырына дейін Узавтосаноаттың GM Uzbekistan кәсіпорнындағы үлесі 75 %-ды құраған еді, бірақ мемлекеттік компания ақырындап америкалық әріптестерінен бірлескен кәсіпорынның акцияларын сатып ала бастады. Алдымен басқарма мамандары өз үлесін 90 пайызға жеткізіп, ал жыл соңында зауытты толықтай өз бақылауына алды. Мұнымен тоқтамаған үкімет, енді GM Powertrain Uzbekistan мотор зауытын сатып алу жөнінде келіссөз жүргізуде.
Мұндай бетбұрыс GM-мен бүкіл байланыс үзілді дегенді білдірмесе керек. Америкалықтар әлі де техникалық әріптестер болып саналады, ал кәсіпорынның өзі сол біз білетін көліктерді құрастыруын жалғастырады, бірақ жуық арада зауыттың модельдік қатары толығуы да ғажап емес.
Қазіргі таңда GM Uzbekistan-ның құрамына үш кәсіпорын кіреді. Негізгі зауыт Асакада орналасқан. Онда Ravon R2 (Spark), Nexia R3, сонымен қатар Gentra мен Cobalt құрастырылады. Питнак қаласындағы зауытта ескірген Damas пен Labo құрастырылса, Ташкентте орналасқан үшінші нүктенің конвейерінен Chevrolet Tracker мен Malibu шығарылады.
Атап кеткен жөн, бұл кәсіпорынның алғашқы тәжірибесі емес. 2005 жылы Daewoo банкрот болғаннан кейін ел билігі кореялықтардың үлесін сатып алып, басқаруды толықтай өз қолына алды. Бұл 2008 жылға дейін жалғасқан еді.
Комментариев: 0