Германияда сирек кездесетін ВАЗ-2105 сатылады

Германияда ВАЗ-2105-тің Lada Bohse Euro Star деп аталатын өте ерекше нұсқасы саудаға шықты. Ол классикалық «бестіктің» жағажайға арналған нұсқасы, шанағы тарги мен пикап гибридіне ұқсайды. Небәрі 2276 км жүрген 1990 жылғы автомобиль 2499 еуро (1.57 млн теңге) тұрады.

Lada Bohse Euro Star-ды 1980 жылдардың аяғында Төменгі Саксониядағы Bohse Automobilbau GmbH атты шағын компания дайындаған. Бұл фирма Германияда «Лада» өнімдерін ресми сататын.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Шеберлер «бестікті» Euro Star-ға айналдыру үшін шанағын толық өзгертті. Барлық металл панелін алып тастап, орнына әйнек пластик орнатқан. Седанның артқы бөлігінде шағын жүк платформасы пайда болды, шатырының жартысын алып тастауға болады. Euro Star-да есік жоқ, оны жұмсақ материал алмастырған. Салонның жолаушылар бөлігі мен жүк бөлігінің арасын да жұмсақ материал бөліп тұр.

Euro Star сол кезде Еуропада сәнге айналған, бірақ іс жүзінде аса қажеті жоқ шағын автомобильдердің бірі болды. Bohse мұндай машинаның 200–250 данасын ғана жасаған деген ақпарат бар. Қазір мұндай кабрио-пикаптың он шақтысы сақталған болуы мүмкін.

Сатушы біз сөз етіп отырған экземплярды екі-ақ жыл пайдаланғанын айтты. 1992 жылдан бері машина гаражда тұрған. Автомобильдің жағдайы мінсіз емес, сол үшін бағасы төмен. Мысалы, Euro Star-ды жүргізу үшін моторын күрделі жөндеуден өткізу қажет. Түрленген седан 60 ат күшіне ие 1.2 литрлік төрт цилиндрлі агрегат көмегімен қозғалады, ол 5 сатылы механика қораппен жұмыс істейді.