Ерекше Mercedes-Benz 190E аукционға қатысты

Өткен демалыста АҚШ-та ерекше Mercedes-Benz 190E сатылды. Ол — Chevrolet Corvette фанаттары арасында танымал америкалық Callaway Engineering ательесі мен Recaro, Bilstein және BBS компаниялары бірлесіп жасаған бірегей прототип. Автомобиль сырттай қою қызыл түсі, жаңа алдыңғы бампері, 15 дюймдік BBS RS дискісі және Bilstein B8 тіреуі мен H&R серіппесінің арқасында төмендетілген шанағымен ерекшеленеді.

1 / 8

• 
• 
• 
• 
• 
• 
• 
• 

1 / 8

Сарғыш салонында Recaro креслосы мен қосымша циферблаты бар MOMO рөлі көз тартады. Рөлдегі циферблат седанның басты ерекшелігі саналады: шеберлер оған турбина қысымын өлшейтін сезгек орнатқан.

Машинаның капот астында турбоүрлемді мотор тұр. Бұл жүйені Callaway Engineering мамандары сериялық прототип ретінде әзірлепті, бірақ жинақ сол күйі саудаға шыққан жоқ. Мұндай 2.3 литрлік қатарлы қозғалтқыш бес сатылы механика қораппен жұмыс істейді. Инженерлер мотордың қуатын қаншаға дейін арттырғаны белгісіз.

1 / 5

• 
• 
• 
• 
• 

1 / 5

Callaway Engineering әзірлеген бастапқы дизайны 2022 жылы аяқталған реставрация барысында біршама өзгерді. Рестравация жұмысы седан 2017 жылы қозғалтқышы істен шығып, гаражда ұмыт қалған соң басталған болуы мүмкін. Механиктер турбокомпрессордың картриджін ауыстырып, жаңа ауа тарту және шығару жүйесін орнатқан, сондай-ақ қозғалтқышқа күрделі жөндеу жүргізіп, MicroSquirt электрондық басқару блогымен жабдықтаған.

Ателье 190-ның шанағын, салонын және жүріс бөлігін толық қайта жөндеген. Реставрацияға 100 мың доллардан аса ақша жұмсалды деген ақпарат бар. Бірақ қазіргі иесі 136.2 мың миль жүрген техниканы қымбатқа өткізе алмады. Аукционда бағасы небәрі 31 750 долларға жетті.