Гелик 3.6 секундта жүзге жетті

Mercedes-AMG G63-ке 9 сатылы AMG Speedshift TCT автоматымен және AMG Performance 4Matic толық жетек жүйесімен жұптасатын V8 4.0 (585 а. к.; 850 Нм) моторы орнатылғаны белгілі. Бұл оның жылдамдығын сағатына 220 шақырымға дейін арттырып, алғашқы жүздікті 4.5 секундта еңсеруіне мүмкіндік береді, оның үстіне ауырлық ортасы жоғары, жарақталған массасы 2.5 тонна болатын машина үшін бұл тамаша көрсеткіш екені анық. Бірақ мүмкіндік шегінен асуды жөн көретін клиенттерге 900 ат күшіне ие брабус «Ракетасы» ұсынылады, ал енді осы қатарға Performmaster тюнинг-ательесі әзірлеген модель қосылды.

G805 индексті автокөлік өз моторын сақтап қалған, бірақ оған анағұрлым өнімді турбоайдауыш пен электронды басқару блогы орнатылған, нәтижесінде қуаты 805 ат күші мен 1020 Нм-ге артты, ал жылдамдығы 260 шақырымға жетті. Темір тұлпар жүздікті 3.69 секундта алады. Сонымен қатар оған карбон ауа тартқышы бар бампер, шатырына жарықдиодты прожектор қойылыпты.

1 / 6

• 
• 
• 
• 
• 
• 

1 / 6

Жылдамдығын мәжбүрлі арттырған көлік жақсы басқарылмайды, әрі оны жүргізу қауіпсіз деп айта алмаймыз. Бірақ мұндай машиналарды жұрт жарысқа қатысу үшін емес, беделді көріну үшін алады. Оның ыңғайлы болуы көлік иесін аса қызықтырмайтыны анық.

G805 Performmaster-дің бағасы кейінірек белгілі болады. Оның құны қазір 570 мың еуроға сатылып жатқан Brabus 900 Rocket Edition-нан сәл төмен болады деген болжам бар.