Geely Galaxy-ге бір күнде 40 мың тапсырыс түсті

Galaxy M9 моделіне қызыққан жұрттың қарасы қалың. 24 сағат ішінде тапсырыс саны 40 мыңнан асып кетті. Бұған флагманның бағасы себеп болған сияқты, ең үлкен Galaxy-дің арзаны 193 800 юань (14.55 млн теңге) тұрады.

1 / 6

• 
• 
• 
• 
• 
• 

1 / 6

Geely Galaxy M9-дың өлшемі — 5205×1999×1800 мм, дөңгелек базасы — 3030 мм. Демек Mercedes-Benz GLS-пен шамалас. Кроссовердің жабдықтар тізімінде бейімді амортизаторлар мен жол саңылауын 95 мм өзгертуге мүмкіндік беретін аспадағы пневмоэлементтер бар. Жүксалғышының көлемі — 328-2171 литр.

Флагманның күштік құрылымы 882 ат күші мен 1165 Нм момент беретін үш электромотордан және 1.5 литрлік іштен жанатын қозғалтқыштан тұрады. Жол талғамайтын көлік алғашқы жүздікті 4.5 секундта алады. 41.5 киловатт батарея көмегімен 210 шақырымды еңсереді, жалпы жүріс қоры 1500 км-ге жетеді.

1 / 8

• 
• 
• 
• 
• 
• 
• 
• 

1 / 8

Алты комплектация ішінде тек 258 800 юань (19.4 млн теңге) тұратын ең қымбаты осы агрегатпен жабдықталады. Қалғандары моножетекті. Оларға бренд 18.4 кВт⋅сағ батарея орнатады. Мұндай M9 электр күшімен 230 және 100 шақырым жүреді.

Автомобильдің салоны үш қатарлы. Жабдықтар тізіміне комплектациясына байланысты желдеткіш пен массаж функциясына ие аса жайлы креслолар, жиналмалы үстел, 9 литрлік тоңазытқыш және 27 Flyme Sound динамигі кіреді. Алдыңғы бөлігіне 12.6 дюймдік аспаптар панелі мен 30 дюймдік тачскрин орнатса, артқы жолаушыларға арнап 3К-экран (17.3 дюйм) қойған. G-Pilot H5 көмекшілер кешенінің құрамында 27 сезгек пен 2 Nvidia Orin X чипі бар.