2024 жылғы 1 қаңтарда СТ 1412-2017 «Жол қозғалысын реттеудің техникалық құралдары» ұлттық стандартының жаңа нұсқасы күшіне енеді. Өзгеріс газбаллон құрылғысын (ГБҚ) орнатқан автомобильдерге қатысты.
Билік мұндай машинаға арнайы белгі тағуды міндеттеп отыр, қара жиегі бар сары түсті теңбүйірлі үшбұрыш ішінде леп белгісі мен «GAS» деген жазу болу қажет. Стикерді ГБҚ бар машинаны оңай анықтауға болатындай етіп орнату керек, сондай-ақ жабық тұрақ кіреберісіне қою керек.
![Газбаллон орнатқан машинаға арнайы белгі тағу керек](https://kolesa-photos.kcdn.online/kolesa-read/db2febd0aa46823d5f21b084b2dcafe26b1bae6f-full.jpg)
Техникалық реттеу және метрология комитеті жаңа ережені қауіпсіздік мақсатында енгізіп жатқанын хабарлады, газбаллонды қажет талаптар мен процедураларды сақтай отырып орнату керек.
Қазақстан билігі 2019 жылдың аяғында газбаллон орнатқан автомобильді жабық тұраққа және жерасты паркингтерге қоюға тыйым салған. Соған қарамастан көлігін жабық автотұраққа қоятындар әлі кездеседі.
Комментариев: 0