Степногорск қаласында айрықша жол талғамайтын көлік сатылуда. Бір қарағанда ол УАЗ-ға ұқсайды, бірақ шын мәнінде бұл УАЗ-469 шанағы мен ГАЗ-66 шассиінің жетілдірілген гибриді. Мұндай темір тұлпарлар Ақмола облысындағы «811 автокөлік жөндейтін зауыт — Қазақстан Инжинирингте» өндірілген.
3.2 тонналық машинаға 4.2 литрлік V8 қозғалтқышы орнатылған. Мотор 125 аттың күшін береді және 4 сатылы механикалық қораппен жұптаса жұмыс істейді. 5.8 метрлік «БАРС-01» жылдамдығын сағатына 95 шақырымға дейін арттыра алады.
Бұл автокөлік 2007 жылы шығарылған. Ол үлкен бампермен, шығырмен және шинадағы қысымды бақылау жүйесімен жабдықталған. 13 жыл ішінде 1 640 шақырымды еңсерген жол талғамайтын көлік 10 млн теңгеге бағаланып отыр.
Комментариев: 0