Жаңа айырым белгісін бекітетін ҚР СТ 1412-2017 «Жол қозғалысын ұйымдастырудың техникалық құралдары. Қолдану қағидасы» стандарты 2024 жылғы 1 қаңтардан бастап күшіне енді. Оның мақсаты — жабық тұрақтарға кіруді шектеу үшін газбаллон орнатқан автомобильді анықтау.
Белгі болмаған жағдайда көлік иесі айыппұл төлемейді, тек тәртіп сақшылары белгі керек деген ескерту жасайды.
Қайдан алуға болады? Қанша тұрады?
Қазір белгіні онлайн дүкендерден 200 теңгеге табуға болады. Желіден іздесеңіз жеткілікті. Сатушы белгінің дизайны мен өлшемін өз қалауы бойынша жасайды. Жеңіл көлік үшін кішірек, ал жүк көлігі мен автобус үшін үлкенірек белгілер бар.
Стандартта өлшемдері көрсетілмеген. Әзірлеушілер қолданыстағы «У» сияқты жапсырманың өлшеміне қарап жасап жатыр. Полицейлер оны өлшейді деп ойламаймыз.
Стикерді қайда жапсырады?
Стандартта да, жол ережесінде де ол туралы жазылмаған.
Ішкі істер министрлігіне қарасты Әкімшілік полиция комитеті Kolesa.kz редакциясына стикер газбаллон орнатылған көлікті оңай анықтау үшін қажет екенін айтты. Бөгет болмау үшін алдыңғы және артқы әйнекке жапсырудың қажеті жоқ. Жүк салғыш қақпағында көрінетін болса жеткілікті.
Жапсырма жоқ болса айыппұл сала ма?
Белгі болмаса жол жүрісіне қатысушыға қойылатын өзге де талаптарды бұзғаны үшін әкімшілік кодекстің 620-бабы бойынша 3 АЕК (11 076 теңге) көлемінде айыппұл салынады.
Газбаллон орнатқан көлікті белгілеу дұрыс па?
Бұл стандарт бізде ғана емес, басқа елдерде де бар, бірақ әр мемлекетте әртүрлі.
Комментариев: 0