Франциялық кабриолет үш айда 23 есе қымбаттады

Hemmings порталында 1950 жылғы Delahaye 180 сатылып жатыр. Бағасы — 7.5 млн доллар. Биыл тамызда дәл осы кабриолет аукционда 318 мың долларға бағаланған. Демек небәрі үш айда раритет 23 есе қымбаттап кетті. Сатушы кабриолеттің өмірбаянына қатысты нақты деректер тапқанын айтады. Сирек кездесетін Delahaye 180-ге кезінде екі король мен бір ханзада иелік еткен.

Машинаның алғашқы иесі Марокко королі Мухаммед V болған, кабриолетті ол парад кезінде пайдаланыпты. Мұндай шанақтағы көлік парад кезінде король орнынан тұрып, халыққа қол бұлғауы үшін керек.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Мухаммед V кабриолетті 1961 жылы Марокко тағына ұлы отырғанға дейін пайдаланды (сол кезде машина да ұлының иелігіне өтті). Сатушының айтуынша бұдан кейін автомобильге тағы бір ханзада, сұлтан, бірнеше генерал және өзге де ірі шенділер мінген. Ал кейінгі бірнеше онжылдықта (тамызда аукционға шыққанға дейін) кабриолет жеке мұражайда сақталды.

1 / 11

• 
• 
• 
• 
• 
• 
• 
• 
• 
• 
• 

1 / 11

Кабриолетті франциялық Franay компаниясы толық тәуелсіз аспасы бар Delahaye шассиінде жасаған, көліктің бір данасы ғана бар. Delahaye 180-нің дөңгелек базасы 3.3 метр. 4 сатылы механикамен жұмыс істейтін 4.5 литрлік алтылық моторы 140 ат күшін ғана береді.