Бірнеше жылдан бері ашасы жеңіл, қолдану оңай және сирек бұзылатындықтан, Tesla-ның қуаттау станциялары ең ыңғайлы және сенімді екенін көрсетіп жүр. Rate Your Charge сауалнамасына сәйкес Солтүстік Америкадағы қызыл ала бағаналар өз қызметін 90 %, Electrify America 54 %, ал EVgo 56 % мүлтіксіз орындапты.
Электромобиль өндіретін компаниялар машиналарын Tesla қуаттау желісіне қосуға мүмкіндік алғысы келеді. Бұл желі Солтүстік Америкада ең көп тараған, АҚШ пен Канадада 12 000 нүктесі бар.
Carscoops басылымы екі компания басшысы Ford иелері алғашқылардың бірі болып электр көзіне қосыла алатынын растады деп жазды. «Тесладан» басқаларға бұл жағдай тиімді болып тұр.
Алғашқы кезде, яғни 2024 жылдың көктемінен бастап Mach-E, F-150 Lightning және E-Transit жүргізушілеріне Supercharger-ден қуат алатын Tesla адаптерін алып жүру керек болады. Төлем FordPass немесе Ford Pro Intelligence қосымшалары арқылы жасалады. Бірақ тағы бір жыл өтсе, Ford өз өнімдеріне адаптерді қажет етпейтін NACS (солтүстік америкалық қуаттау стандарты) қуаттау портын орнатады.
Комментариев: 0