Ford АҚШ-та әдеттен тыс сервистік кампания жариялады. Ол 2018–2024 жылдары шыққан 548 мың Expedition-ді қамтиды. Кампания несімен ерекше? Кері шақыруға бағдарламалық жасақтамадағы қате, нашар электроника немесе көлік құрылымындағы ақау емес, ортаңғы консольдегі хромды элементі бар жақтау себеп болды. Бұл бөлшектің кесірінен 65 адам жарақат алыпты, тіпті кейбірі дәрігерге жүгінген.
Проблема элементтің қаптамасында жатыр: уақыт өте ол жарылып, қабыршақтана бастайды. Салдарынан рамканың бетінде өткір қыр пайда болып, адамның денесін кесіп кетуі мүмкін.
Expedition иелері бұл ақауға қатысты алғаш рет үш жыл бұрын шағымданған. Ол кезде компания бүлінген элементті кепілдік бойынша ауыстырып отырған, бірақ сервистік кампания жариялаған жоқ. Өйткені элементтің жарыла бастағанын ерте байқап, сервистік орталыққа барып, ауыстырып алуға болады деп санады. Бірақ шағым көбейіп кеткендіктен, Ford мәселені жан-жақты зерттеп, әу бастағы шешімін өзгертті. 2026 жылғы маусымға дейін осы элементті жөндеу жөнінде 4.6 мың өтініш түскен. Сондай-ақ ақауға байланысты 65 кісі әртүрлі жарақат алғаны және бір жол апаты болғаны жөнінде ақпарат бар.
Комментариев: 0