Колорадо соты 2016 жылы 27 желтоқсанда болған оқиғаға сегіз жылдан соң үкім шығарды, ол кезде Лорелл Томпсон есімді тұрғын өзінің 1998 жылғы Ford Expedition көлігімен көшедегі пошта жәшігін қағып кеткен деп хабарлады Carscoops.
Әйел бүлінген жерді тексеру үшін көліктен шыққанда тайып, шалқасынан құлаған, сол сәтте өз машинасы кенет шегініп, аяғын басып кетіпті. Салдарынан оның жіліншік сүйегі сынған.
Іс материалында Лорелл «оқыс оқиға кезінде сасқалақтап», автомат қорапты тұрақ режиміне қоюды ұмытып кеткендіктен, апатқа оның өзі кінәлі болғаны жызылған.
Бірақ Томпсон ханым 2019 жылғы қыркүйектегі талап арызында Ford Expedition-ның беріліс қорабы механизмінде ақау барын, өндіруші 1980 жылдардан бері жалғасып келе жатқан бұл проблема туралы бұрыннан білетінін дәлелдеген.
Әу баста Колорадо соты талап қисынсыз деп санап, істі тоқтатқан. Бірақ адвокаттардың табанды әрекеті сот шешімін өзгертуге әсер етті: іс Колорадодан Мичиганға өтіп, кейін кері көшкен соң судья Марица Домингес Брасвелл және сегіз алқабиден тұратын сот талапкерге компания 56 575 000 доллар төлесін деген шешім шығарды, оның 45 млн доллары айыппұл ретінде кесілген.
Ford бұл шешіммен келіспей, апелляцияға беретінін хабарлады.
Комментариев: 0