Ford электромобиль орнына гибрид өндіреді

Ford алдағы бірнеше жылға арналған стратегиясына ауқымды өзгеріс енгізді. Америкалық автогигант былтыр таныстырған үш қатарлы электрокроссовер өндірісінен бас тартып, оны гибрид модельге ауыстырмақ. Сондай-ақ T3 индексті электропикап өндірісін кейінге қалдырады. Ол 2025 жылы нарыққа шығуы керек еді, енді бұл жоспар 2027 жылға шегерілді.

Компания қазіргі модельдік топтаманы өзгертумен қатар, электромобиль жобалауға және дамытуға жыл сайын бөлетін қаржыны 40-тан 30 пайыз азайтады.

Carscoops хабарлағандай, жобалаудан және жасаудан кеш бас тартқандықтан, Ford шығынға ұшырайды. Қазір компанияда пресс-форма сияқты қажетсіз жабдықтар бар, мысалы, оған 400 млн доллар жұмсаған, Теннесси зауытындағы конвейерді қайта құруға 1.5 млрд доллар қажет.

Ford 2026 жылға дейін 2 млн электромобиль сатуды жоспарлаған, бірақ сұраныс бұрынғыдай емес, қазір оларға қызығушылық төмендеп кетті.