Toyota RAV4-тің тек шанағы ғана емес, радиатор торы, бүкіл декоры мен 19 дюймдік дөңгелектері де қараға боялған. Салонынан да басқа түс таппайсыз: орындықтары қара түсті жасанды былғарымен, ал төбесі дәл сол түсті матамен қапталыпты. Тек фирмалық эмблемасы мен ақпараттық тақтайшалары ғана хромдалған. Оптикасын да қараға бояса қызық болар еді, бірақ мұның қадағалаушы органдарға ұнамасы анық.
Еуропа нарығына арналған Toyota RAV4 Black Edition қақпағының астына 2.5 литрлік атмосфералы қозғалтқыш пен электрлі мотор орнатылған. Олар 218 аттың күшін береді. Автокөлік Toyota Safety Sense белсенді қауіпсіздік жүйесімен, айнала шолу камераларымен, тоғыз динамигі бар аудиожүйемен, цифрлық камерамен жабдықталады. Кроссовер ЕЭО нарығына жете ме, жоқ па белгісіз.
Комментариев: 0