Еуропаға арналған Hyundai Bayon жаңарды

Hyundai Еуропада шағын кроссовер ретінде сатылатын Bayon-ның жаңа нұсқасын көрсетті. Көліктің сырт келбеті өзгеріп, опциялар қосылды, бірақ мотор гаммасындағы өзгерістер жайлы айтылмады.

1 / 5

• 
• 
• 
• 
• 

1 / 5

Компания дизайнерлері алдының сәл ісінгендей көрінетін пішінінен бас тартты. Кроссовер сүйірленіп, технологиялық жағынан дамыған болып көрінеді. Bayon жаңа радиатор торымен, жақсарған бампермен, қайта жасалған жарық техникасымен жабдықталды. Екі деңгейлі дизайн сақталып, капотты бойлай орналасқан жоғарғы күндізгі жарық шамы сәл сығырайып, диодты сызыққа қосылды. Hyundai мұны Seamless Horizon деп атайды.

Шанақтың түс палитрасына төрт жаңа түс қосылды, дизайны жаңарған 16 және 17 дюймдік дөңгелек дискісі орнатылды.

1 / 3

• 
• 
• 

1 / 3

Салонының әр жері ғана жақсарды, бірақ бұл автомобильді технологиялық және ыңғайлы етеді. Базалық комплектацияның өзінде ортаңғы дисплейдің өлшемі 10.25 дюйм (бұрын 8 дюйм) болады, медиажүйенің бағдарламалық жасақтамасын сымсыз жаңарта аласыз. Бренд салон ішіндегі шамдарды жарықдиодты түріне ауыстырды, екі USB Type-C портын орнатты, қосымша жабдықтар тізімінде атмосфералық жарық пайда болды.

Еуропадағы Hyundai Bayon-ның мотор гаммасында екі қозғалтқыш бар. 84 ат күшін беретін 1.2 литрлік атмосфералы мотор немесе 7 сатылы роботпен жұмыс істейтін 100 не 120 ат күшіне ие үш цилиндрлі бір литрлік турбомотор. Базалық мотормен жүретін көлікте тек механикалық қорап болады. Қазақстанда машина 100 ат күшіне ие (134 Нм) 1.4 литрлік мотормен ғана сатылады. Құны 10.49 млн теңгеден басталады.