EuroNCAP кейінгі кезде Қытай көліктерін көптеп тексеріп жатыр. Бұл жолы Chery Omoda 5 кроссовері сынақтан өтті. Былтыр қыркүйекте Кедендік одақ сертификатын алған автомобиль Ресей жолдарына шықты. Біздің елге марка күзде таныстыруды жоспарлап отырған S5 седанымен бірге келеді.
| Модель | Жалпы рейтинг | Ересек жолаушыларды қорғауы | Балаларды қорғауы | Жаяу жүргіншілерді қорғауы | Қауіпсіздік жүйелері |
| Chery Omoda 5 |  |
87 % | 87 % | 68 % | 88 % |
Краш-тест нәтижесі бойынша 1.6 литрлік турбомоторы бар Omoda C5 бес жұлдыз алды, бірақ мамандар бірнеше кемшілігі барын атап өтті.
Бетпе-бет соғылғанда кроссовер жүргізуші мен алдыңғы жолаушыны жақсы қорғаған, алайда мамандар дене бітімі әртүрлі манекендерді отырғызып, аяқ жарақатын алу қаупі жоғары екенін анықтапты. Сондықтан жалпы баға орташа болды. Бүйірден тиген соққыға жақсы төтеп берді. Сезгектер кеуде тұсына қатты күш түскенін көрсеткен.
Басқа көлікке және бағанаға соғылғанда, Omoda C5 жолаушылардың өмірін сақтап қалды, дегенмен инженерлер қауіпсіздік перделері дұрыс ашылмағанын айтып, бағасын сәл төмендетті. Сонымен қатар аппаратура бағанамен түйіскенде кеудеге зақым келген.
Жолаушыларды қағып кеткен жағдайда машина өзін жақсы қырынан көрсете алмай, 37 балл жинады. Бұл максимал бағаның 68 %-ы. Ең қауіпті бөліктері — алдыңғы әйнек тіреулері мен капоттың алдыңғы ернеуі.
Модельдің көмекші электроникасы жақсы жұмыс істеп, 88 % алды. Бірақ алдынан жолды кесіп өтіп бара жатқан велосипедші шыққанда автоматты тежеу жүйесі уақытылы қосылмаған, бұл апатқа себеп болды.
Комментариев: 0