ИИДМ және Экология министрлігі ескі көліктер мен ауыр техниканы қабылдағанда төленетін соманың жаңа мөлшерін бекітті. 2022 жылы халықтан қолдануға жарамайтын 70 мың машина қабылданып, қайта өңдеуге жіберіледі. 5 қаңтардан бастап 18 қабылдау орнында электронды кезек арқылы ескі көліктерді жинау басталады (Бір ай бұрын қабылдау тоқтатылған).
Келер жылы елімізде АЕК мөлшері өседі, соған сай машина өткізген азаматтарға төленетін өтемақы да жоғарылайды. 5 қаңтардан бастап ескі көлік иелеріне мынадай мөлшерде ақша беріледі:
| Категория | АЕК | Өтемақы сомасы |
| М1 (толық комплектация) | 72 | 220 536 |
| М1 | 54 | 165 402 |
| М2, N2, N1 (толық комплектация) | 144 | 441 072 |
| М2, N2, N1 | 126 | 385 938 |
| М3, N3 (толық комплектация) | 216 | 661 608 |
| М3, N3 | 198 | 606 474 |
2021 жылы қазақстандықтар утилизацияға 50 005 дана ескі техника өткізді (рекордтық көрсеткіш). Оның 37 495-і жеңіл автомобиль, 5271-і автобус және 7 239-ы жүк көлігі. Көне көліктің көбі (12 068 дана) Шымкенттен жиналды. Екінші орында Алматы (5175) тұр, Тараз (4788) үздік үштікті түйіндеді. Ал утилизация бағдарламасы басталғаннан бері тұрғындар жалпы 214 932 ескі машина өткізді.
Комментариев: 0