Қарағанды маңында ескі көліктерді утилизациялайтын зауыт іске қосылған соңғы екі жылда 52 мың тоннадан аса қара металл және 739 мың тонна түсті металл өңделді. Кolesa.kz тілшісіне кәсіпорын өкілдері хабарлағандай, көлік қалдықтарынан алынатын түсті металлдар арматура, шатыр жабатын темірлер шығаратын қазақстандық өндірушілерге де жеткізіледі.
Өз кезегінде, қара металл «Кастинг» ЖШС-і мен «АрселорМиттал Теміртау» АҚ-ына жеткізіледі, мұнда ол ыстықтай иленіп, төмен қоспаланған болатқа айналады да, жүк көліктеріне арналған бөлшектер өндіретін «КАМАЗ» ЖАҚ-ына жіберіледі.
Анықтама ретінде:
Төзімділігі жоғары болат икемділігімен ерекшеленеді. Мұндай болат машинажасау саласында, құрылыста және басқа салаларда кең қолданылады.
Естеріңізге сала кетейік, Қазақстанда утилизация бағдарламасы 2016 жылы іске қосылған. Бағдарлама аясында ескі көлікті өткізіп, отандық жаңа машина алуға 315 мың теңге жеңілдік беретін сертификат алуға болады.
Комментариев: 0