Жаңа G-Class-тан қымбат ескі гелендваген

Жол талғамайтын көліктерді қалпына келтірумен және тюнингпен айналысатын Expedition Motor Co компаниясы 1990 жылғы «геликті» қалпына келтіріп, жолсыз жерде жүру мүмкіндігін жақсартып, саудаға шығарды. Олар машинаныі 185 200 долларға бағалап отыр, бұл АҚШ-тағы 4 литрлік V8 моторы бар жаңа G-Class-тан 45 мың доллар қымбат.

Әскерде қызметін аяқтап, есептен шыққан машинаны ателье мамандары қалпына келтірді. Олар шанағын рамадан ажыратып, қозғалтқышы мен беріліс қорабын бөлшектеп, қайта жинады.

Шеберлер геликтің рамасын құммен тазалап, коррозияға қарсы жабынмен тегістеді және шанақ панельдерін қалпына келтіріп, қайта бояды. Арка кеңейткіштер, шноркель, алдында мықты бампер мен артында қорғайтын доғасы бар G-Class қара түсті ендірмелерімен үйлесімді бірегей ақшыл сары түске боялды. Стандарт емес бөлшектер қатарында үлкен бүйірлік топсалар, басқыш және диодты оптика бар. Салоны сарғыш және қара былғарымен қапталып, рөлі де сол түс үйлесімін сақтаған. Алдыңғы әйнекке арналған дефлектор, стақан қойғыш және салонның артқы жағындағы қолдан жасалған бүйірлік панель бөліктері бірден көзге түседі. Тюнерлер артқы қатарға орындық жылыту функциясын да қосқан.

1 / 33

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 33

Мамандар аспасына жаңа амортизатор мен серіппе орнатты. Барлық отын және тежеу желісін қайта жүргізді, тежеуіш механизмдерін күшейтті, рөл механизмін қалпына келтірді. Әртүрлі қосалқы бөлшектер мен тозған бөлшектерді ауыстыра отырып, беріліс қорабын, ось пен дифференциалды жөндеді. 2.5 литрлік қозғалтқыштың поршеньдерін ауыстырды.

Бұл «Гелендвагенді» рестомод деп атауға болмайды. EMC «жауынгерге» екінші өмір сыйлады, жолсыз жерде жүру қабілетін арттырып, автокөлікті бүге-шігесіне дейін жөндеді.