Ерекше жол талғамайтын Lamborghini аукционға шығады

Компания LM002 индексті бір ғана жол талғамайтын көлік шығарды, техникалық тұрғыда төрт есікті пикап болды. Толыққанды универсалға айналған автомобильдің үш нұсқасы бар және оның біреуі SBX Cars онлайн-аукционында саудаға шығады. Машина атақты коллекционер және Бруней султаны Хассанал Болкиахтың сұрауы бойынша жасалған.

1 / 8

• 
• 
• 
• 
• 
• 
• 
• 

1 / 8

Көліктің ресми атауы — LM002 Carrozzeria Diomante, шанақ ательесінің иесі Сальваторе Диомантенің атымен аталған. Мамандар пикаптың артын толықтай қайта жасап, шатырын көтеріп, салонына қосымша артқы орындық орнатты. Осылайша LM002 жеті орынды болды.

1 / 10

• 
• 
• 
• 
• 
• 
• 
• 
• 
• 

1 / 10

Сатушы бұл машина Lamborghini тарапынан ресми мақұлданған жалғыз көлік дейді. Мұндай шанақтағы қалған екі LM002 моделі туралы ешқандай мәлімет жоқ болғандықтан бұл экземплярдың құндылығы арта түседі. Автомобиль 1986 жылы шыққан, 1989 жылы қайта жасалған, небәрі 1600 шақырым жүріп өткен. Кейін автокөлік Германияға келіп, жаңа иесі BMW-нің экс-басшысы Бернд Пишетсридер болды. Қазір бұл раритет Швецияда және 10 383 км жүрген. Ол Lamborghini Countach-тан алынған 450 ат күшін беретін 5.2 литрлік V12 қозғалтқышымен жабдықталған.

LM002 Carrozzeria Diomante-ның болжалды бағасы жарияланбаған. Шамамен 300 данасы шыққан жол талғамайтын көліктің аукциондарға шығатын құны 300 мың доллардан асады.

Бұл көлік осы көктемде жаңалықтарға шыққан болатын. Сатушы LM002-ні саудаға шығарар алдында реставраторларға беруді жоспарлаған. Қандай жұмыстар жасалғаны лот сипаттамасында көрсетілмеген, бірақ дилер арнайы осы модель үшін жасалған 345/60VR17 өлшемді жаңа Pirelli Scorpion BK шиналар жинағын тапқан. Олардың құны 50 мың еуродан асуы мүмкін.