Енді Wrangler емес: BAIC BJ40 буын алмастырды

Жұрт BAIC BJ40-ты америкалық машинаға ұқсастығы үшін «қытайлық Wrangler» деп атайды. Буын алмасқан соң модель бұл лақап аттан құтылатын сияқты. Сондай-ақ BJ40 интерьері цифрлы болады.

Жол талғамайтын көліктің сырт пішіні өзгерді, бірақ дөңгелек аркасы айқын көрінетін қырлы шанақ және екі бөліктен тұратын артқы есік кейінгі кезде шығып жатқан Қытай машиналары үшін жаңалық емес.

Жаңа BAIC BJ40-та алғашқы буынның басты ерекшелігі, алып-салуға болатын пластик шатыр болмайды.

Жаңа өнімнің өлшемі — 4790×1940×1895 мм, дөңгелек базасы — 2760 мм. Демек BJ40 басты бәсекелесі Tank 300-ден сәл үлкен болды. Автомобиль рамалы құрылымын сақтап қалды, алдында тәуелсіз аспа, артында кесілмейтін белдік бар.

1 / 8

• 
• 
• 
• 
• 
• 
• 
• 

1 / 8

Марка BJ40 интерьеріне бірқатар сәнді медиакешен орнатты. Мысалы, алдыңғы жолаушы алдында жеке дисплей, жүргізуші алдында цифрлы аспаптар панелі бар.

Күштік құрылымында үлкен өзгеріс жоқ. BAIC BJ40 өз елінде 234 ат күшіне ие 2 литрлік турбомотормен жүреді, ол 8 диапазонды автомат және толық жетекті жүейемен жұмыс істейді. Сондай-ақ ось аралық дифференциалды бұғаттағыш бар.

Қытай нарығына арналған машина өндірісі қыркүйекте басталады, қазірше бағасы белгісіз. Экспортқа шығатын көлік жайлы да ақпарат аз. Ресейде BJ40-тың бірінші буынын Калининградтағы «Автотор» зауыты құрастырып жатыр. «Қытайлық Wrangler» онда кем дегенде 4 059 000 рубль (20 млн теңге) тұрады.