Ең үлкен Tank 2024 жылы шығады

Great Wall концернінің Tank бренді жаңа модель шығарады. Қытай баспасөзі 2024 жылы Tank 800 индексті жол талғамайтын көлік жарық көретінін хабарлады, ол топтамадағы ең ірі әрі ең сәнді машина болады.

1 / 16

Tank 800 прототипі

1 / 16

Марка Tank 800-ді алғаш 2021 жылы Шанхай автосалонында көрсеткен. Машина әу баста концепті ретінде көзге түсті, сол кезде оның сериялы өндіріске шығатыны белігілі болған. Концерн өндірісті 2022 жылы бастауды жоспарлаған, бірақ коронавирус пандемиясы болып, «сегіз жүздіктің» прототипі биыл көктемде ғана жолға шықты.

Қытай баспасөзі хабарлағандай, марка топ-менеджерлерінің бірі Tank 800 толық дайын екенін мәлімдеді. Tank жаңа өнімді 2024 жылы саудаға шығарады. Машина Tank 700-ден алынған гибрид күштік құрылыммен жүреді деген ақпарат бар. 3 литрлік V6 және электромотордан тұратын 500 ат күшіне ие агрегат 9 сатылы автоматпен жұмыс істейді.

Tank 800 Great Wall пикаптарының бірінің рамалы платформасына негізделеді, жол талғамайтын көліктің ұзындығы 5 метрден асады. Флагманның салоны екінші қатарда екі бөлек кресло бар үш қатарлы болуы мүмкін, мұндай құрылым Қытайда өте танымал. Tank 700 бағасы 700 мың юань (45 млн теңге) екенін ескерсек, ең сәнді Tank миллион юаньға бағалануы мүмкін.

Комментариев: 0