Ең қымбат Volkswagen Golf клиенттердің қолына тие бастады

Әлем автожанкүйерлеріне жақсы таныс Volkswagen Golf қатардан қалатын уақыт таяп келеді, ол 2028 жылы жеңіл электромобильге айналады. Модельдің Golf R деп аталатын спорттық нұсқасы да конвейерден түседі.

Дәстүрлі мотормен жүретін сегізінші буын «гольфтың» бағасы жылдан-жылға өсіп барады, демек аз данасы шыққан Golf R 333 76 410 еуроға (38.2 млн теңге) сатылғанына таңғалудың қажеті жоқ. Машина Audi RS3-тен қымбат, Porsche 718 Cayman S суперкарымен шамалас. Жоғары баға модель жанкүйерлерін шошытқан жоқ, 2 маусымда сауда басталғанда 333 машина небәрі 8 минутта өтіп кетті.

1 / 9

• 
• 
• 
• 
• 
• 
• 
• 
• 

1 / 9

Марка Golf R 333-тің алғашқы партиясын Вольфсбург Автоштадт аумағында (BMW Welt сияқты) салтанатты түрде табыстады. Көрме орталығында Lime Yellow Metallic түсті бір-бірінен аумайтын ондаған Golf R 333 хетчбэгі болды.

Машина комплектациясына 7 сатылы DSG қорабы және т4Motion толық жетек жүйесімен жұмыс істейтін 2 литрлік турбоүрлемді мотордан (333 ат күші мен 420 Нм) бөлек, Akrapovic титанды газ шығару жүйесі мен 19 дюймдік Estoril дөңгелек дискісі кіреді. Golf R 333 алғашқы жүздікті 4.6 секундта еңсереді, ең жоғары жылдамдығы — 270 км/сағ.