АҚШ-та өткен бәс саудалардың біріне 1979 жылғы Harley-Davidson FLH 1200 Electra Glide қатысты. Бұл мотоцикл Элвис Преслиге тиесілі болған. Дегенмен рок-н-ролл патшасы оны ұзақ тізгіндемепті. Небәрі 203 шақырым жүріп өткен мотоцикл осы күнге дейін Оңтүстік Дакотадағы Pioneer Auto Museum мұражайында сақталған.
Сатушылар Electra Glide шамамен 2 млн долларға сатылады деп үміттенген, алайда ұсынылған ақша 800 мыңнан әрі аспады. Десе де, Элвис Преслидің Harley-Davidson-ы ең қымбат мотоциклдердің бірі атанып, рейтингіде үшінші орынға табан тіреді.
Ол ең қымбат мотоциклдер тізімінде тек аңызға айналған үлгілерге ғана жол берді. Мұнда сөз 1951 жылы шыққан ең алғашқы супер байк Vincent Black Lightning (ол 929 мың долларға сатылған) мен 1915 жылғы сирек кездесетін Cyclone Board Track Racer (852 мың долларға сатылған) жайлы болып отыр. Соңғысына Стив Маккуин иелік еткен.
Комментариев: 0