Елордадағы Мәңгілік ел даңғылының бір бөлігі уақытша жабылды

Нұр-Сұлтан қаласы әкімдігінің ресми сайты хабарлағандай, 2-8 тамыз аралығында Мәңгілік Ел даңғылының Достық көшесінен Сарайшық көшесімен қиылысқа дейінгі бөлігінде асфальт ауыстырылады. Осыған байланысты даңғыл бойында көлік қозғалысы тоқтайды.

Шенділер қолайсыздық үшін кешірім сұрайды, әрі жүргізушілерді жол жүру бағытын алдын ала жоспарлауға шақырды. Дегенмен Министрліктер үйінің маңындағы жол жабылса, министрлер бір апта бойы жұмысқа қалай келетіні қызық.

Сонымен қатар кәріз жүйесін жөндеу жұмыстарына байланысты 2 тамыз бен 11 қыркүйек аралығында Айтматов көшесінің Сығанақтан Қ.Мұхамедхановқа дейінгі бөлігі жартылай жабылады.