2 қыркүйекте мәжіліс депутаттары елордаға Астана атауын қайтаруды ұсынды. Қоғамдық тыңдау кезінде қала тұрғындары мұны қолдаған.
Бүгін парламент палаталарының бірлескен отырысында әділет министрі Қанат Мусин астанаға алдыңғы атауы берілсе, тұрғындарға құжат ауыстыру қажет болмайтынын айтты.
«Егер бұрынғы атауы тұрса, ол жарамды саналады. ХҚКО құжатты бұрынғы режимде қабылдайды», — деді ведомство басшысы.
Оның сөзінше қазіргі қала атауы жазылған тақтайшаларды бірден ауыстырмайды.. Процесс бөлінген ақшаға байланысты жоспарлы түрде жүзеге асады. Ал құжаттар цифрлы форматта шығатындықтан, қосымша қаражат жұмсаудың қажеті жоқ.
Депутаттар бас шаһарға Астана атын қайтару туралы жобаны бүгін мақұлдады.
Елді мекен атауы қазір жеке куәлікте, жүргізуші куәлігінде, техпаспорт және сақтандыру полисінде жазылады.
Комментариев: 0