2023 жылғы 15 ақпанда ЕЭК кеңесінің отырысы өтіп, жеке тұлғаның M (жеңіл көлік) және N (жүк көлігі) санатындағы автомобильді өзі пайдалану үшін ЕЭО аумағына шұғыл көмек көрсететін жүйе не құрылғысыз кіргізуіне рұқсат беретін жеңілдікті тағы бір жылға ұзарту туралы шешім қабылданды. Яғни, енді Қазақстанда SOS батырмасы жоқ көлікті 2024 жылғы 1 ақпанға дейін тіркеуге болады.
ҚР премьер-министрінің сайты жеңілдік мерзімі Қазақстан тарапының бастамасымен ұзарғанын хабарлады. SOS батырмасын орнату қымбат, микросхема тапшы әрі құрылғы жасауға арналған бөлшек жоқ болғандықтан осындай шешім қабылданыпты.
Билік алғаш рет 2022 жылы жазда жеке тұлғаларға өзі пайдалану үшін SOS батырмасы жоқ машина әкелуге рұқсат берді. Оған дейін автоөндірушілерге осындай жеңілдік жасалған. Оның мерзімін 2023 жылғы 1 ақпанға дейін деп белгіледі. Бірақ 2022 жылдың аяғында зауыттарға берілген жеңілдік мерзімі бір жылға ұзарды, енді ол қатарға жеке тұлғалар қосылып отыр.
Комментариев: 0