Электромобильге арнайы шина керек пе?

1979 жылдан дөңгелек саудасымен айналысатын және консалтингтік қызмет көрсететін Tire Rack компаниясы электромобиль және дәстүрлі қозғалтқышпен жүретін автомобиль шинасында қандай айырмашылық бар екенін анықтады. Тәжірибеге әлемде көп тараған Tesla Model 3-ті қолданып, оны жыл бойы сулы және құрғақ жағдайда, қыс пен жазда сынады.

Электромобильге арнайы дөңгелек керек пе?

Бұл сұраққа Tire Rack нақты жауап берген жоқ. Егер сіз зауыттан шыққандағы барлық сипаттамасын сақтаған дөңгелек алғыңыз келсе, біраз шығындалуға тура келеді. Салондағы тыныштықты қамтамасыз ететін дыбыс оқшаулайтын қабаты бар, жолды жақсы сезетін арнайы резеңкеге бөлек ақша құртасыз.

Батареялы көлік шинасының айналу кедергісі төмен екені белгілі болды. Бұл дөңгелек сапасын жақсартып, жүріс қорын ұлғайтады екен.

Кез келген дөңгелек дәстүрлі машинадан гөрі электромобильде тұрғанда 20 %-ке тез тозатынын ескерген жөн. Бұл үлкен салмаққа, сонымен қатар электромотордың айналу моменті қарапайым автомобильге қарғанда әлдеқайда қуатты екеніне байланысты. Осылайша протектор жылдам істен шығады.

Tire Rack сынағын ұйымдастырушылардың пікірінше стандарт дөңгелектер де электромобильдің жайлы жүруіне мүмкіндік береді. Сондықтан көліктің күштік құрылымының қандай екені маңызды емес. Жүргізушілер автомобильге арнайы шина орнатпаса болады.