Солтүстік және Орталық Еуропа елдеріне арналған жаңа Volvo электромобиліне зауытта Recharge топтамасы үшін арнайы жасалған универсал шина орнатылады. Өндіруші компания туралы ақпарат жоқ, тек оның теңгерімі жақсы, қозғалысы ширақ екені хабарланды. Еуропалықтардың қоршаған орта тазалығына аса мән беретінін ескерген марка «жыл бойы пайдалануға жарайтын алғашқы шиналар» қысқы фрикционды дөңгелекпен салыстырғанда ауаға CO2-ні аз таратып, энергия шығынын 8 %-ға төмендететінін, жүріс қорын арттырып, жеңіл балқытылған дискілер өндірісін азайтатынын мәлімдеді.
Алайда табиғатқа зияны аз, айрықша шинаның сатып алушының қалтасын кәдімгідей жұқартатыны анық.
Комментариев: 0