2020 жылдың алғашқы жартысында Чехияның Пльзеньск өңірінде орналасқан MW Motors компаниясы ресейлік UAZ Hunter-ді электр тартымға ауыстырып, Еуропа жұртына жаңа атаумен сату туралы жоспарын хабарлаған. Олар электрлі уазикті Spartan деп атауды жөн көріпті.
Жол талғамайтын көлік 2020 жылдың аяғында сатылымға шығуы керек еді, алайда Covid-19 кедергі келтірді. Нәтижесінде Spartan-ға алдын ала тапсырыс қабылдау енді басталды.
«Хантердің» электромобильге айналу процесі өте қарапайым. Капот астына қатарлы ЗМЗ орнына тұрақты магниті бар синхронды электромотор қойылады. Ол 163 ат күші мен 600 Нм береді. Агрегат стандарт механикамен, үлестіруші қораппен және белдіктермен жұмыс істейді. Сыйымдылығы 62.16 кВт·сағ батареялар су өтпейтін темір жәшікпен қапталған. Жүріс қоры 150 шақырымға жетеді.
Салонда аспаптар панелі шағын дисплейге ауыстырылған, басқа өзгеріс жоқ. Spartan-ның рөлі оң жақтағы және сол жақтағы нұсқасына тапсырыс беруге болады. Модельдің алдыңғы бөлігі өзгерді.
Бастапқыда MW Motors машинаның бағасы 20 мың еуродан басталатынын айтқан. Бұл арзан емес. Мысалы, Қазақстанда UAZ Hunte 6.6 млн теңге (13 мың еуро) тұрады. Ал қазір электрлі уазик 39 900 еуроға бағаланып отыр.
Рөлі неге оң жақта?