Электрлі Nissan Ariya полюстен полюске сапар шекті

39 дюймдік шиналары бар электрлі Nissan Ariya-ның көктемде басталған континентаралық саяхаты 15 желтоқсанда Оңтүстік полюсте сәтті аяқталды, алайда саяхатшылар бұл туралы байланыс қалпына келгенде ғана хабарлай алды.

Көлікті баптауға маманданған Arctic Trucks компаниясы Рэмсиге Nissan Ariya e-4ORCE кроссоверін сапарға дайындауға көмектесті. Сол компания экспедицияны қосымша жабдықпен қамтамасыз етті және сапар аяқталуға жақын қалғанда дәстүрлі моторы бар қуатты Toyota пикаптарымен жүрді.

Қуаттау станцияларының желісі дамығандықтан, Солтүстік Америкада саяхат өте қолайлы болды. Күн батареялары мен қуаты 5 кВт жылжымалы жел генераторы Оңтүстік Американы айналып өтуге көмектесті. Түнде Антарктидада тұрақтаған кезде мұзды желдің соғуынан батареяның қуаты таусылмау үшін Nissan Ariya-ны арнайы шатырмен немесе қармен қоршау керек болды. Арктика аймақтарында саяхаттау үшін қажет бензин генератордың да көмегі тиді.

1 / 4

• 
• 
• 
• 

1 / 4

Төмен температурадан бөлек, ауаның азаюы экспедиция көліктерінің дизельді моторын іске қосуды қиындатты, себебі Оңтүстік полюс теңіз деңгейінен 2835 м биік орналасқан.

Саяхатты ұйымдастырушылардың табандылығы арқасында электромобильдер өмір сүруге бейім екенін және нашар дайындалған аймақтарда жұмыс істей алатынын дәлелдеді деуге болады. Бірақ әр клиенттің қасында Arctic Trucks қолдау тобы жүрмейді ғой. Мұндай қашықтыққа жалғыз саяхаттау дұрыс шешім болмайтыны анық.