Батареялы көлік Еуропа сатнадартына сай болу үшін инженерлер өндіріс барысында жарық техникасын өзгертіп, аспасын, рөлді басқару мен тұрақтандыру жүйесін және опционалды толық жетекті қайта баптады. Ford Mustang Mach-e 440 және 610 шақырымды еркін еңсеруіне мүмкіндік беретін екі түрлі батареямен ұсынылады.
Норвегия нарығы электромобиль өндірушілер үшін аса маңызды. Себебі мұнда электрлі көліктер саны көп, әрі халықтың табысы жоғары.
Аталған елде артқы жетекті машинаның бағасы 422 мың кронадан (20.5 млн теңге) басталса, екі моторы бар Long range үшін кемі 554 мың крона (26.8 млн теңге) сұралады. Мұнда Tesla Model 3-тің базалық нұсқасын 399 мың кронаға алуға болады, ал сұранысы жоғары электромобильдер көшін Audi e-tron мен Volkswagen e-Golf бастап тұр. Айта кетерлігі, көліктер арасында баға айырмашылығы аса үлкен емес, сондықтан уақыт өте келе бұл сегментте бәсеке қыза түсетіні анық.
Ford Mustang Mach-E АҚШ пен Еуропадан бөлек Қытайда да сатылады, ал ЕЭО елдеріне келуі екіталай.
Комментариев: 0