Электрлі «хаммер» әскерге аттанады

Электрлі пикапқа айналған Hummer бұған дейінгі модельдің жолын қайталауы мүмкін. АҚШ-тың қорғаныс министрлігіне көлік дайындайтын GM Defence бөлімшесі Electric Military Concept Vehicle деп аталатын электрокардың фотосын жариялады.

Дайындық кезіндегі негізгі өзгеріс — жаңа шанақ. Hummer алдыңғы бөлігінің қарапайым әрленуімен ерекшеленеді, төбесі мен есік орнына қауіпсіздік каркасын орнатқан, ал салонда алты орындық пайда болды. Әскерге арналған электрокардың жоғарғы жағында аспалы жабдыққа арналған конструкцияны байқауға болады.

Мамандар аспаға жаңа амортизатор қойып, тежеуіші мен геометриясын жақсартқанын атап өтті, бірақ кіру-шығу бұрышы қалай өзгергенін айтқан жоқ. Күштік құрылымы өзгеріссіз — 1000 ат күшіне ие электромотор және сыйымдылығы 212 киловатт батарея.

EMCV АҚШ қарулы күштері электромобильді мобильді командалық бекет немесе барлау машинасы ретінде қолданатынын айтты. Себебі мұндай Hummer жолсызда тез әрі шусыз қозғалады. Сонымен қоса көлемді батарея керек кезде басқа құрылғыларға электр қуатын тарата алады.

GM машинаны жеке тұлғаларға сатпайды. Соған қарамастан модель азаматтық нарықта көзге түсуі мүмкін. Электрокарлар қару-жарақ қатарына қосылса, есептен шыққан көліктер АҚШ-тың Қорғаныс министрлігі өткізетін ресми аукциондар арқылы сатылады.