Электрлі BMW M3 гиперкар болады

BMW компаниясы Neue Klasse платформасы негізінде электрлі суперкар пайда болатынын растады. Концерннің басқарма басшысы Франк Вебер жаңа архитектураны M3 седаны буын алмастырғанда іске қосатынын мәлімдеді деп жазды Autoevolution. Батареялы «М-ның» қуаты — 1 мегаватт (1360 а.к.).

Neue Klasse платформасындағы сериялық электрокарлар 2025 жылдан бастап шығады, бірақ алғашқыда BMW архитектурасын тұтынушы талаптарына икемдейді. Жаңа буындағы BMW тез қуатталатын батареямен, ұлғайған жүріс қорымен және бағасымен ерекшеленеді.

Кейінірек M бөлімшесі жаңа платформа негізінде BMW тарихында болмаған қуатты электрокар өндіреді. Оны төрт электромотормен (әр дөңгелекке бір мотор) жабдықтайды. Инженерлер осылайша күш векторын бақылау жүйесін жаңа деңгейге шығарамыз дейді. Электрлі M3-тің қуаты аса жоғары, басқару жүйесі бірқалыпты болады.

Аса қуатты BMW M3 қашан саудаға түсетіні белгісіз. Бұл шамамен екінші онжылдықтың ортасында іске асуы мүмкін. 550 ат күшіне ие бензинді мотормен жүретін автомобильдің де болашағы бұлыңғыр. Кей мәлімет бойынша BMW бренді M3 және M4-ті 2028 жылға дейін өндіреді, содан кейін спорткарлар тарих қойнауына кетеді. Енді бір гипотезаға сүйенсек, 2020 жылдың соңына қарай нарықта әртүрлі платформада жасалған екі М3 болады.

Концерн электрлі көліктерінің болашағы қандай болатынын көрсетті. Vision Neue Klasse концептісінен бавариялықтардың дизайнға, салон архитектурасына және мультимедиалық құралдарға жаңа көзқарасын байқауға болады. Компания көліктің техникалық сипаттамасын жарияламады, бірақ концепт брендтің жаңа бағытқа бет бұрғанын аңғартады.