2025 жылы қыркүйекте жарық көрген, марканың жаңа Neue Klasse топтамасындағы алғашқы моделі BMW iX3 жақында Қазақстанда саудаға шығады. Жергілікті реестрде ұзындығы 4.78 метр, дөңгелек базасы 2.89 метр кроссовердің құжаты жарияланды.
Құжатта модельдің 470 ат күшіне ие екі моторлы күштік құрылымы, 108.7 кВт⋅сағ батареясы бар 50 xDrive түрленімі көрсетілген. Жүріс қоры цикліне (EPA не WLTP) байланысты 644–805 шақырымға жетеді. Кроссовер алғашқы жүздікті 4.9 секундта еңсереді, ең жоғары жылдамдығы — 210 км/сағ.
Салонда 17.9 дюймдік өзгеше медиакешен экраны мен алдыңғы әйнекке жақын орналасқан жіңішке аспаптар панелін қамтитын ең жаңа цифрлық кокпит көзге түседі. Интерьерде батырма өте аз, жүргізуші борттағы функцияларды тачскрин немесе дауыстық көмекші арқылы басқарады.
Жаңа iX3 Қазақстан жолдарына нақты қашан шығатыны белгісіз, бірақ бағасы жарияланды. Модельдің ресми құны 52 776 842 теңгеден басталады.
Қазақстандағы автосалондар саудалап жатқан BMW модельдері жайлы толық ақпаратты
Kolesa.kz-тегі «Жаңа көліктер» бөлімінен көруге болады. Сайтта барлық модельдің техникалық сипаттамасы, комплектациясы және бағасы толық жазылған.
Комментариев: 0