Бұрын машиналарды қозғалыс кезінде қарап тексеретін.
«Қара Camry әйнекті түсір… Бр-бр тоқта!»
Полицейлер көлікті өздері тексеріп, бүйірлік немесе алдыңғы әйнекте пленка болса, айыппұл салып, оны дереу алып тастауға мәжбүрлейтін. Пленкасыз қараңғылағандармен жағдай қиынырақ болатын. Тәртіп сақшылары әйнек зауыттан күңгірттелмеген дейтін, бірақ оны дәлелдей алмаушы еді. Машинаны техникалық байқауға жіберетін, ол бізде қалай өтетін өздеріңіз білесіздер.
Пилоттық жоба ретінде мегаполистің полицейлері әйнектің жарық өткізгіштігін тексеретін құрылғы алды. Алматы жол полициясы басқармасының баспасөз қызметі әлеуметтік желіде жариялаған бейнероликтен Ресейдің «ТОНИК-Н» құралын көруге болады.
Өндірушінің сайтында құрылғы нейтрал және түрлі түсті әйнектің жарық өткізгіштігін анықтай алатыны жазылған. Электроника 10 сағат үздіксіз жұмыс істеп, соңғы өлшенген үш реңктің нәтижесін жадында сақтайды, өлшеу хаттамасына көлік нөмірін енгізіп, нәтижелерді орталық компьютерге жібере алады.
Құрылғы толықтай автоматты және —40 °C пен +40 °C температурада жұмыс істейді.
Қазақстанда алдыңғы және бүйірлік алдыңғы әйнегі күңгірт көлікті жүргізуге болмайды. Ереже бұзғандарға әкімшілік кодекстің 590-бабының 5-бөлігі бойынша 5 АЕК (18 460 теңге) айыппұл салынады.
Комментариев: 0