Ел билігі неге үлкен автобус пен жүк көлігін заңдастырмайды

Қазақстанға 2022 жылдың 1 қыркүйегіне дейін кірген шетелдік машиналарды заңдастыру 23 қаңтарда басталып, 1 шілдеге дейін жалғасады. Үкімет қаулысына сәйкес мына санаттағы көліктерді есепке қоюға болады: М1 — жеңіл көлік, M1G — өтімдігі жоғары жеңіл көлік; М2 — салмағы 5 тоннаға дейінгі автобус, M2G — салмағы 5 тоннаға дейінгі өтімдігі жоғары автобус, N1 — салмағы 3.5 тоннаға дейінгі жүк көлігі, N1G — салмағы 3.5 тоннаға жетпейтін өтімдігі жоғары жүк көлігі.

Астана қаласының полиция департаменті Kolesa.kz-ке президент тұрғындар жеке қолдану үшін әкелген машиналарды заңдастыруды тапсырғандықтан, ІІМ аталған сегменттерді қарастырғанын айтты. Сол себепті аса ірі жүк көліктері, салмағы 5 тоннадан асатын автобустар мен тіркемелер тізімге енбеген.