Ел билігі электромобильді тұрақта қуаттауға тыйым салды

Төтенше жағдайлар министрлігі полиция деректеріне сілтеме жасап, бүгінде елімізде 6.5 мыңнан астам электромобиль тіркелгенін айтты. Ал қазақстандықтар автотұрақтар мен тұрғын және қоғамдық ғимараттар маңындағы тұрақтарға қуаттау бекетін белсенді түрде орнатып жатыр. Бірақ электрлі қуаттағыштардың құрылыс нормативтері Қазақстанның ешбір стандартында көрсетілмеген.

«Электромобиль өртенгенде оны сөндіру бойынша шетелдік тәжірибеге жүгінсек литий-ионды аккумуляторлардың қысқа тұйықталуы, істен шығуы және өздігінен тұтанып, жарылуы мүмкін екенін көрсетеді. Осыған байланысты ТЖМ электромобиль мен оны қуаттау бекеттерін орнатудағы халықаралық тәжірибені зерделей отырып, сәулет, қала құрылысы және құрылыс саласындағы мемлекеттiк нормативтiк құқықтық актiлерге қуаттау бекеттерінің орналасуына, онда тұратын көлік пен қуаттағыш санына; минимал арақашықтығына және т.б. қойылатын талаптарға өзгерiстер енгiзу қажет деп санайды», — министрлік өкілдері..

Құрылыс заңнамасына өзгерістер енгізгеннен кейін өрт қауіпсіздігі ережелері де түзеледі.

«Қуаттау бекетін пайдалану туралы тиісті нормативті құқықтық акт қабылдағанға дейін электромобильді бокста, паркингте, жабық тұрақта, өндірістік гаражда, шатыр астында, көлік сақтайтын ашық алаңда қуаттауға тыйым салынады», — деді Төтенше жағдайлар министрлігіндегі мамандар.

Осы хабарламаны негізге ала отырып, тұрғын үй кешеніндегі тұраққа қуаттау құрылғысын орнату және ол жерде қуаттаудан бөлек, сауда орталықтарында және сырттағы қуаттау бекеттерін пайдалануға тыйым салынды. Құзырлы орган құрылғыларды алып тастауға міндеттей ме?