Жамбыл, Түркістан облыстарында қар жауып, боран соқты. Жергілікті полицейлер жол бойында видео түсіріп, қолайсыз ауа райы туралы ескерту жасағысы келгенімен, қатты желден ештеңе естілмеді. Бірақ кадрдан жолға шығу қауіпті екені айқын аңғарылады.
Ал Таразда күшті дауыл тұрып, полиция тұрғындарға қажет болмаса көшеге шықпауды ескертті.
Синоптиктердің болжауынша, елдің өзге аймақтарында да ауа райы бұзылады. Бүгін Алматыда, Алматы облысының оңтүстік-шығысы мен таулы аймақтарында жаңбыр және қар жауып, жел соғады. Қостанай, Шығыс Қазақстан, Қарағанды, Ақтөбе, Ақмола, Павлодар, Солтүстік Қазақстан, Батыс Қазақстан және Қызылорда облыстарында қар жауып, тұман түседі, көктайғақ болады, температура күрт төмендейді (солтүстік пен шығыста кей жерлерде −25 °С-қа дейін).
Мұндай жағдайда жүргізушілер қысқы дөңгелек ауыстырмай жолға шықпауы керек, мүмкін болса қалааралық ұзақ сапардан бас тартқаны жөн.
Комментариев: 0