Экспортқа шығатын Exeed Exlantix ES-тің бағасы белгілі болды

Chery ішкі нарықта жаңа ES электроседанын сата бастады. Модель Exeed құрамындағы Sterra топтамасына кіреді, ал шетелде ол Exeed Exlantix ES деп аталады. Қытайда седанның бағасы 225 800 юаньнан (14.4 млн теңге) басталады, концерн өкілдері электрокар құны шетелде миллион юаньға (63.6 млн теңге) жетуі мүмкін екенін айтып отыр.

Экспорт көлемі өскен сайын қытайлардың тәбеті артып келе жатқан сияқты.

2024 жылы Exlantix ES Орта Азия, Ресей және Таяу Шығыста саудаға түседі. Chery жариялаған жоғары баға Таяу Шығысқа арналған шығар. Егер Exlantix ES Ресейде миллион юань тұрса, Exeed брендінің қазіргі флагманы VX кроссоверінен екі есе қымбат болып, нарықтағы ең қымбат электромобиль атанады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Седан өлшемі — 4945×1978×1480 мм, дөңгелек базасы — 3 метр. Демек ол Toyota Camry-ден 60 мм ұзын, ал ось арасында қашықтығы 75 мм ұзын. Қытайда модельдің бес нұсқасы шығады, олар өзара қуаты мен жүріс қоры арқылы ерекшеленеді.

Екі моторы бар толық жетекті құрылым ең қымбат Exlantix ES GT түрленімінде ғана болады, оның бағасы — 339 800 юань. Моторы 480 ат күшін береді, жүріс қоры — 650 шақырым. Ал базалық нұсқасының қуаты — 252 ат күші, жүріс қоры — 550 шақырым. Сондай-ақ модельдің 313 ат күшіне ие мотормен жүретін, жүріс қоры өте көп (905 км) түрленімі жарық көреді.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Exeed Exlantix ES-тің опциялар тізімінде пневматикалық аспа, алдыңғы бөліктегі «пиксельді» жарық техникасы, 15.6 дюймдік дисплей мен 23 динамигі бар медиажүйе және ортаңғы тоннельдегі екі сымсыз қуаттау орны бар.

Sterra/Exlantix топтамасы қазіргі Exeed модельдерінен жоғары деңгейде болады. Қазақстанда Exeed-тің LX, TXL, VX және RX кроссоверлері сатылып жатыр. Ең арзан LX моделі 12.99 млн теңге тұрады.