Қала тұрғындарының айтуынша, қылмыскердің кесірінен қалада бірнеше көлік жанып кеткен, — деп хабарлайды КТК арнасы. Оның кезекті әрекеті бейнебақылау камерасына түсіп қалыпты. Кадрлардан капюшон киген жігіттің жол жиегінде тұрған Volkswagen Touareg көлігіне жақындап, пакетінен белгісіз сұйықтық құйылған бөтелкені шығарғанын және оны алдыңғы әйнекке шашқанын көруге болады. Ал көлік тұтана бастағанда қылмыскер табанын жалтыратады.
Екібастұздың тәртіп сақшылары «Бөтеннің мүлкін қасақана бүлдіру» бабы бойынша сотқа дейінгі тергеу жұмыстарын бастады. Ал зардап шеккен көліктің иесі қаскүнемді тапқан адамға сыйақы беретінін мәлімдеді. Бірақ оның сомасы айтылмаған.
Осыған ұқсас оқиғаның біраз жыл бұрын Алматыдағы Шевченко мен Шагабутдинов көшелерінің қиылысында болғанын атап өткен жөн. Ол кезде төрт көлік өртеніп кеткен еді. Кейін полицейлер сол маңдағы үйлердің бірінде тұратын 24 жасар әйел адамды құрықтаған. Сөйтсе, ол жанжалдасып қалған көршілерінен осындай жолмен өш алмақ болыпты.
Это его миссия! Он зачищает этот грязный Мир от не чести!