Жеңілдікті несиеге автомобиль алу үшін 23 718 адам өтініш берген. Оның 9918-і (73.4 млрд теңге) мақұлданды. Жалпы құны 8.6 млрд теңге болатын 1188 машина иесін тапты.
Өнеркәсіпті дамыту қорының аралық есебі бойынша 16-30 мамыр аралығында ең көп несие берген (773) Банк Центр Кредит екен. Сатылған көліктің 617-сін «СарыарқаАвтоПром» зауытының мамандары құрастырған.
Еуразиялық банк — 407, Forte небәрі 8 несие берді. Ал Halyk ақшаны кешіктіріп алғанына қарамастан 3 мыңға жуық өтінім қабылдап, көбін мақұлдаған, алайда бір кредит рәсімдепті.
Жаңа бағдарламаға ӨДҚ 100 млрд теңге бөлді. Оның 92.5 миллиардын төрт банкке үлестірді. Қалған 7.5 млрд теңге бесінші қаржы ұйымына (бірнеше банкпен келіссөз жүріп жатыр) беріледі немесе алдыңғы төртеуінің лимитін көтеруге жұмсалады.
100 млрд теңге қанша машинаға жетер екен?
Егер жұрт негізінен 10 млн теңгелік автомобиль таңдайтын болса, пайызы төмен несиеге 10 мың көлік алуға мүмкіндік туады.
Комментариев: 0