Mercedes-Benz EQE Мюнхен автосалонында таныстырылды. Оны ІЖҚ орнатылған E-класс-тың электрлі түрленімі деуге болады. Жаңа өнімнің сыртқы және ішкі көрінісі EQS флагмандық лифтбегіне ұқсайды, бірақ оның купе тәрізді кішірек нұсқасы саналады.
Mercedes-Benz EQE алдымен «350» индексті бір нұсқада сатылады. Көліктің артқы осіне орнатылған моножетекті моторы 292 ат күші мен 530 Нм момент береді, жүріс қоры — 660 км. Кейінірек екі электромоторы бар толық жетекті модель жарық көреді. EQE-нің аспасы құрылымдық жағынан S-класстағыға ұқсас — алдында төрт иінтіректі, артында көп иінтіректі. Қосымша ақы төлеп, оны Airmatic ADS+ бейімді пневматикасымен толықтыруға болады.
Интерьері де бұрынғы EQS салонына ұқсайды. Ұзындығы 141 см болатын MBUX Hyperscreen гиперэкраны мұнда опция ретінде ұсынылады. Өйткені модельдің қолжетімді нұсқаларына бөлек аспаптар панелі мен мультимедиа планшеті орнатылған.
Mercedes-Benz EQE сериялы өндіріске 2022 жылы жазда шығады. Өз отанынан бөлек Бременде және Қытайда шығарылады. Бағасы көлік жарыққа шығатын уақыт жақындағанда белгілі болады.
Комментариев: 0