Джо Байден мінген Cadillac ATS-V сатылады

Cars & Bids аукционында 2018 жылғы қара Cadillac ATS-V сатылып жатқаны туралы хабарландыру шықты. Көлік аз жүрген. Одометрі шамамен 15.9 мың миль көрсетіп тұр. Сатушының пікірінше автомобильде сатып алушыны қызықтыратын бірнеше ерекшелік бар.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Компания бұл ATS-V-ді Джо Байден АҚШ-тың вице-президенті болған кезде арнайы жасаған. Саясаткер седанның салоны Kona Brown түсті болғанын қалаған деген болжам бар, бірақ Cadillac модельдің үздік комплектациясын мұндай түспен ұсынбаған. Дегенмен компания Байден үшін арнайы жасапты. Сол себепті мұндай ATS-V-дің бір ғана түрі бар.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Компания седанға Rennick Performance радиатор торын және артқы бампер қаптамасын орнатты, қозғалтқыштың сәнді карбон қақпағымен, Tech Bronze түсіне боялған CT4-V Blackwing моделінің 18 дюймдік дискілерімен жабдықтады. Рөл мен автомат қорабының тұтқасы алькантарамен қапталған. Байден машинаны автосалонға қайтарғаннан кейін дөңгелегі ауысты. Саясаткер седанды лизингіге алған.

ATS-V 464 ат күшіне ие (603 Нм) 3.6 литрлік V6 турбомоторымен жүреді. Агрегат артқы дөңгелектерді айналдыратын 8 сатылы автомат қорабымен жұмыс істейді.

Аукцион үйі ATS-V үшін қанша сұрап тұрғаны белгісіз. Қазір құны 37.5 мың долларға жетті және сауда қызу өтіп жатыр деуге келмейді. Жақында тағы бір танымал америкалық саясаткердің машинасы саудаға шыққан еді. Дональд Трамптың Lamborghini Diablo VT автомобилі 1.1 млн долларға сатылды.

Қызық, бұл көлік Байденнің есінде ме екен?